SAMBAL CALOK PELITEK

Kang Bedur mak ini dang agam nian, ape pasal kire-kire ye? Pasal bahwe anak gadisnye lah mulai pacak betanak ape bebuatan makanan. Zaman mak ini akhi maseh ade anak gadis galak betanak, au rezeki nian.

 

Pekirati Kang Bedur; kantap anak gadis ni lah pacak nyimbangi umaknye betanak di dapokh. Dek sukhang agi umaknye betanak, lah ade asisten kire-kire. He he he ... 

 

Lah pacak diasekan, amon sekedar nutok gakham, bendire, cabi nggok calok ni lah pacak nian di andalkan. Lah lunek ngelinok, cukup rasan kene gale di lidah.

 

“Cuman ye jadi hal ni Jun, petang pagi aku laju buatkannye sambal calok tulah ndai penakanan engan ye empai pacak betanak tu,” cerite Kang Bedur laju pecak bekeloh-kesah ke Ading Jun.

 

“Nah ngape pacak mak itu Kang Dur? Kalu empai mbuat sambal calok tulah kepacak’annye? Retinye lum pacak betanak ye lain nakan tu he he he,” timbal Ading Jun senyum simpul.

 

“Cuman aku nak ngumong tu kalu die cugak, Jun! Jadi ku puji-puji terus die. Uji ku lah kalah Umak ngan nak ndai engan kalu dalam urusan mbuat sambal calok ni,” surah Kang Bedur becerite.

 

“Mak uji ku tadi Jun, memang lah lemak sambal caloknye tu, cuman Bak-nye ni dek makan sambal calok petang-pagi oii, he he he ... Laju becalok nilah urusannye,” sambung Kang Bedur tambah lunek ceritenye.

 

Sumber: