SAMBAL CALOK PELITEK

“Berat kamu Kang amon endak jujur nggok nakan gadis tu. Tebukaklah kamu tu, mimang sambal calok buatannye lah lemak, cuman kalu karne dipuji tu laju entamnye sambal calok petang pagi, au aseku teke peloh laju pacak embau calok, Kang! He he he,” timbal Ading Jun lah pecak nguyok pule.

 

“Amon nganeng surahan engan ndai tadi, Dur, pecaknye engan harus gancang tebukak nggok anak gadis tu. Mengke dekde lok urusan pelitek mak ini akhi ni,” sentil Kang Khemad di bucu pance, pecak pengamat pelitek pakam nian.

 

“Nah pedie nian hubungannye sambal calok anak gadis Kang Bedur ni laju njab-njab nggok urusan pelitek mak ini akhi, Mang Mad?” Tanye Ading Jun penasaran nian.

 

“Au Kang, damenye nian hubungannye tu?” Tanye Kang Bedur lah milu penasaran pule.

 

“Au ade hubungannye Dur, Jun! Sambal calok anak gadis ngan ye lah lemak uji ngan tadi, cuman amon lah idangkannye petang-pagi au malak campur rungsing pule engan kan?” Timbal Kang Khemad pecak setengah betanye.

 

“Nah mak itulah urusan pelitek mak ini akhi ni. Lah malak nian kite nginaknye, campur lah rungsing nian pule kite nganengnye. Pecak kan jelah gale, ujung-ujung maseh balek ke urusan kepentingan tulah,” surah Kang Khemad semangat nian tambah lebok.

 

“Nah mak tulah pule anak gadis ngan tadi, karne engan muji sambal calok buatannye, dek keluroh die amon engan nak njeluak makan sambal calok petang-pagi tu. Ha ha ha ...” pungkas Kang Khemad tetawe ngikek.

 

“Ha ha ha ..., ade nian setuju aku Mang Mad! Cuman solusinye Kang Dur, kalu pacak dibuat umpan sambal calok nakan gadis tu tadi. Kalu ngembang idung ikan juare ape ikan baung ngembaunye ha ha ha ...” simbat Ading Jun lah ngakak pecaknye nguyok’i pule.

Sumber: